काठमाडौं उपत्यकामा आज १,४२० मा सङ्क्रमण पुष्टि , देशभरि २,७३६ सङ्क्रमित थपिए

काठमाडौं /काठमाडौं उपत्यकामा आज  १,४२० जना कोरोना सङ्क्रमित थपिएका छन् । देशभरि २,७३६ सङ्क्रमित थपिएका छन्  ।
मन्त्रालयले कोभिड १९ सम्बन्धी दैनिक विवरण अद्यावधिक गर्दै उपत्यकाका तीन जिल्ला काठमाडौं, ललितपुर र भक्तपुरमा गरी १,४२० जना नयाँ सङ्क्रमित पहिचान गरिएको जनाएको छ।  आज ८५३ जना सङ्क्रमणमुक्त भई घर फर्केका छन् ।
उपत्यकामा हालसम्म कुल ४२५ जना सङ्क्रमितको मृत्यु भएको छ । पछिल्लो चौबीस घण्टामा काठमाडौंमा पाँच, ललितपुरमा चार र भक्तपुरमा एक सङ्क्रमितको मृत्यु भएको मन्त्रालयले जनाएको छ ।