काठमाडौं उपत्यकामा १,४२८ मा आज सङ्क्रमणको पुष्टि , देशभरि २,५७१ सङ्क्रमित थपिए

काठमाडौं / काठमाडौं उपत्यकामा आज १,४२८ जना कोरोना सङ्क्रमित थपिएका छन् ।
मन्त्रालयले कोभिड १९ सम्बन्धी दैनिक विवरण अद्यावधिक गर्दै उपत्यकाका तीन जिल्ला काठमाडौं, ललितपुर र भक्तपुरमा गरी १,४२८ जना नयाँ सङ्क्रमित पहिचान गरिएको जनाएको छ । मन्त्रालयले काठमाडौं जिल्लामा हाल १५,९८२, ललितपुरमा २,२५९ र भक्तपुरमा १,१४३ जनामा सङ्क्रमण सक्रिय रहेको जनाएको छ । पछिल्लो चौबीस घण्टामा देशैभरि २,५७१ सङ्क्रमित थपिएका छन् । आज १,७९८ जना सङ्क्रमणमुक्त भएका छन् ।
उपत्यकामा हालसम्म ४१५ जना सङ्क्रमितको मृत्यु भइसकेको छ । काठमाडौंमा २७५, ललितपुरमा ६८ र भक्तपुरमा ७२ जना सङ्क्रमितको मृत्यु भएको मन्त्रालयले जनाएको छ ।