आज: | Tue, 04, Aug, 2026

मास्क – चिबाखं

सुभाय् संवाददाता November 8, 2020 मा प्रकाशित (५ साल अघि) अनुमानित पढ्ने समय : २३ मिनेट

-बिना नेम्कुल

यल लुं हितिं मंगः वना च्वना बलय् छम्ह बुराम्ह बा: नं ‘’केंमयजु केंमयजु’’ धका: जित: स्वया: ल्हा: भाय् यातः । छ्याय् सतलं जुइ धका: भतिचा स्कुटर स्लाे याना: साइड लाइट, हेडलाइट च्याना च्वनलां छु धका खउ बुर्‍हापतिं नं साइड लाइट, जगु बुर्‍हा पतिं नं हेडलाइट चेक याना ठिक हे जू । गबलें गवलें सल ब्वयाच्वनि बलय् कतपिन्स सल मिलेया धाइगु लुमन । वसः स्वया । सर्टपाइन्ट न्ह्याना तयागु जुया: थ मन याउँका।

हाकन छाय सतलः । लिफ्ट फ्वने त्यनला छु बुराम्ह बाःनं । थथेहे विचा यांयां स्कुटर दिका । मेगु दिशा पाखे दनाच्वम्ह बाःयात न्ववाना ताइ मखुधका ल्हातंः इशारा याना: न्यना । “छाय्, छु जुल थें ?” बुरा: बाःन नं तःसलं ‘’माक्स गो ? माक्स ति’’ धाल ।

जित दुनुगलं निसें न्हिलेमास्ति वल । जिं माक्स त:सां मत:सां छ बुरा यात छाय् । मनंमनं धया: जिं स्कुटर ब्वाका । मंगलबजार थ्यंबलय् ट्राफिकं ल्हा:भाय् याना: दिकी धाल ।

“थन रेड लाइट मरु, अले जि ट्राफिक नियम उलंघन यानागु नं मदु छाय् ट्राफिकंः दिकी धाल जुइ !” धका मनय् खँल्हाका: स्कुटर साइड लगय् याना। जिं ज्याकुथिया ड्रेस पुना तयागुलिं च्वयनं निसें क्वथ्यंक स्वया: वं धाल

‘’छिथें जाम्ह मनुतयत छु धाय् ?’’

-‘’छु जुलः?’’

-‘’माक्स गो ?’’

– “ए ए ए ए !’’

‘’माक्स दुला?’’

‘’दुनि छाय् मदइ !” ब्यागय् वातुवाला: माक्स मामांः तसलंः धया !

‘’माक्स ब्यागय् तयेगु कि न्हासय् ?”

थौं हे ब्याग हिलेलात । ब्यागय माक्स मदु खनिं।

उखे जिं माक्स गबलय् तइ धका: ट्राफिकं स्वया च्वन ।

न्हाचः तसलं धा:साः आ: तिइजक धया वैत

‘’जि न्यासि वनिगु मखु गुडय् जुया: वनीम्हेसितः छाय् माक्स माल धया !’’

‘’अथे धयां ज्यूला कारवाही या धका: आदेश दु जिमित’’