ल्वय् -चिबाखं

रासा

जिमि मां-बौ निम्हं मदयेधुंकल ।
—
छेँय् छम्ह दाजु , जि माइलाम्ह , छम्ह केहेँ , व निम्ह किजापिं । मुक्कं न्याम्ह जिपिं ।
—
दाजुया ब्या जुल , तताजु दु । केहेँया नं ब्या जुल , जिचाभाजु दु । निम्ह किजापिनि नं ब्या जुल , भौपिं दु । खालि जिगु जक ब्या मजूनि ।
—
ब्या यायेगु ला मन दु । तर , सुना नं मिसा मबिउ ।
—
जिके छगू ल्वय् दु । थुकिया हुनिं जुइ , जित: मिसा बिउमव: । जिं ब्या याये मजिउ हं !
—
जिगुथें ल्वय् दुपिं मनूतयसं ब्या या:गु खना , न्ह्यइपुक जीवन हनाच्वंगु खना , म्वानाच्वंगु खना । तर , जि जक नाङ्गा – ब्या यायेमखंम्ह ।
—
व ल्वय् ख: – तिल्वय् ।
**