“संकटकाल हल्ला मात्र हो” – सरकार ,”संक्रमणको कारक तत्व भीड भीडलाई नियन्त्रण कसले गर्ने सरकार ?”-सर्वसाधारण

काठमाडौँ/ गृह मन्त्रालयले सामाजिक सञ्जाल तथा सर्ट म्यासेज सर्भिस (एसएमएस) मार्फत सरकारले मुलुकभर सङ्कटकाल र कफ्र्यु लगाउँदै भनेर सोमबार सार्वजनिक भएको सूचना गलत र भ्रामक भएको जनाएको छ ।
देशमा विशेष गरेर संघीय राजधानी केन्द्रित भएर कोरोना महामारी डरलाग्दो रूपमा फैलिरहेको बेला सरकारले उपचार र कोरोनाका कारण घरमै आइसोलेसनमा बसिरहँदा मृत्यु भएकाको लासको व्यवस्थापन समेत सोही परिवारले गर्नुपर्ने भनी कोरोना उपचार र लास व्यवस्थापन बाट समेत पन्छिएको चर्चा चलिरहँदा यसरी सामाजिक संचाल लगायत विभिन्न माध्यमबाट प्रचार प्रसार व्यापक हुन गएपछि गृह मन्त्रालयको ध्यानाकर्षण भएको बताएको छ ।
कोरोना सङ्क्रमण महामारी नियन्त्रण तथा रोकथाम र अन्य कुनै कारण देखाई सङ्कटकाल तथा कर्फ्यु लगाउनेसम्बन्धी सरकारको कुनै योजना नभएको स्पष्ट गर्दै गृह प्रवक्ता चक्रबहादुर बुढाले तथ्यहीन, भ्रामक, निराधार र गलत सूचनाप्रति विश्वास नगर्न आग्रह गरेका छन्।

“सरकारले कुनै पनि बहानामा चाडपर्वको मुखमा सङ्कटकाल तथा कर्फ्यु लगाउने सोच राखेको छैन” प्रवक्ता बुढाले भने, “सामाजिक सञ्जालमा आएको भ्रामक सूचना निराधार र तथ्यहीन हो । यसप्रति विश्वास नगरी सबैलाई सूचित हुन आग्रह गर्दछौं ।”
तर उपत्यकामा बढिरहेको कोरोना महामारीका कारण उपत्यकाबासी त्रसित भैरहेका छन् । यति नैं बेला खुलेआम फुटपाथ पसल समेत राख्न छुट दिएर सरकारले काठमाडौंमा भीड निकै बढाएको छ । एकातिर संक्रमित बढदै जानू र अर्कोतिर संक्रमण फैलाउने मूल कारक तत्वको रुपमा रहेको भीड नियन्त्रण गर्न सरकारले चासो नदेखाउनु उल्टै जिल्ला प्रशासन कार्यालयले महानगरको कार्य क्षेत्र भित्र हस्तक्षेप गरि फुटपाथ र ठेला पसल खोल्न दिने समेत सूचना जारी गरेर भीड बढाउने कार्य गरिरहेको छ जुन निन्दनीय छ ।
फुटपाथ पसलहरुमा अहिले गुण्डा नाइकेहरुको समेत चलखेल भइरहेको एक स्थानीयले बताएका छ्न् ।स्थानीय युबाहरुले यसलाई हटाउन खोज्दा झडप समेत भएको र उल्टै हटाउन खोज्ने युवा नेतालाई प्रहरी हिरासतमा लगिएको कुरा यहाँ स्मरणीय हुन आउँछ ।
सरकारले संकटकाल नलगाए पनि भीड गर्न नदिने रोगीको उपचार र लास व्यवस्थापनको जिम्मेवारी पूर्ण रुपले बहन गर्नुपर्ने जनताको अभिमत रहेको छ ।