नवनियुक्त सहरी बिकास मन्त्री कृष्ण गोपाल श्रेष्ठलाई पुष्पलाल स्मृति केन्द्रद्वारा बधाई कार्यक्रम

काठमाडौं / पुष्पलाल स्मृति केन्द्र १८ वडा काठमाडौंले नवनियुक्त सहरी बिकास मन्त्री कृष्णगोपाल श्रेष्ठलाई आज शनिबार एक कार्यक्रम आयोजना गरि बधाई ज्ञापन गर्‍यो ।
काठमाडौं ताम्सिपाखा तपिन्तास्थित तत्कालीन देयक्व पार्क हाल पुष्पलाल स्मृति पार्कमा केन्द्रले एक सामान्य कार्यक्रम गरेको थियो । नवनियुक्त मन्त्री श्रेष्ठलाई केन्द्रका सदस्यहरूले खादा ओढाइ सम्मान तथा कार्य सफलताको शुभकामना व्यक्त गरेका थिए । कार्यक्रम काठमाडौं महानगर पालिका वडा नं १८ का वडा अध्यक्ष न्हुछेकाजी महर्जनको अगुवाइमा भएको थियो ।
सम्मान कार्यक्रमभन्दा अगाडि नवनियुक्त मन्त्री श्रेष्ठले नेपाल कम्युनिस्ट पार्टीका संस्थापक महासचिव पुष्पलाल श्रेष्ठको शालिकमा माल्यार्पण गरेका थिए ।
त्यसपछि उनले पुष्पलाल स्मृति पार्कको निरिक्षण गरेका थिए ।
” कृष्णगोपालले पाएको जिम्मेवारी हामी सबैले पाएको जिम्मेवारी हो भनेर सम्झनुहोला । अहिले तपाईंहरुको प्रतिनिधि कृष्णगोपाल श्रेष्ठ ठूलो काँडाको झाडीमा पुगेको छ त्यहाँबाट सकुशल अगाडि बढ्नुछ परिस्थिति असाध्यै असहज छ यो प्रतिकूल र असहजतालाई चिर्ने क्रममा जस्तोसुकै असहज अप्ठ्यारोलाई व्यवस्थापन गर्दै जाने क्रममा यहाँहरुको सहयोग मिल्ने नैं छ  सभालाई     सम्बोधन गर्दै  नवनियुक्त मन्त्री कृष्ण गोपाल श्रेष्ठले आफूले पाएको मन्त्रालयको जिम्मेवारी चुनौतीपूर्ण रहेको उजागर गरे ।

“फेरि पनि तपाईंहरुको प्रतिनिधि कृष्ण गोपाल ठूलो अग्निकुण्डमा प्रवेश गरेको छ ।तपाईंहरु सबैको सहयोग माया र आशिर्वादले कृष्ण गोपाल खरानी नहोस् ।त्यहाँबाट सकूशल बाहिर आउन सकोस् भनेर तपाईंहरुको आशिर्वाद लिन आएको छु  ” उनले भने  ।                                                                                                                                                                    हुन पनि सहरी बिकास मन्त्रालय  उपत्यकाका  जनप्रतिनिधिलाई  फलामको चिउरा चपाउनुजस्तो कठिन रहेेको र यस मन्त्रालयमा बसेर काम गर्नु भनेको राजनीति दाउमा लगाउनु जस्तै हो । यतिबेला भाषण र ठूला कुरा हैन काम र परिणामद्वारा जनताको विश्वास जित्ने अभियान चलाउने दायित्व रहेको भन्दै उनले यस कार्यमा  सबैको सहयोग रहने आशा व्यक्त  गरे ।    सभालाई   सम्बोधन  गर्ने क्रममा उनले नेपाल कम्युनिस्ट पार्टीका संस्थापक नेताहरू सबै नेवार रहेको बताउँदै उहाँहरुले देखाएको बाटोमा अगाडि बढ्ने प्रतिबद्धता व्यक्त गरे ।
कार्यक्रमम प्रदेश सभा सांसद बसन्त मानन्धर , पूर्व सभासद प्रभा बज्राचार्य जन सांस्कृतिक मन्चका अध्यक्ष माधव प्रधानको पनि उपस्थिति रहेको थियो।