आज सपथ लिंदै पुनर्गठित मन्त्री परिषदका सदस्यहरु

काठमाडौं/ पुनर्गठित मन्त्रीपरिषदका सदस्यहरुले आज सपथ ग्रहण गर्ने कार्यक्रम रहेको प्रधानमन्त्री कार्यालयले जानकारी दिएको छ । हिजो बुधबार प्रधानमन्त्री केपी शर्मा ओलीले मन्त्रिपरिषद हेरफेर गररेका थिए ।
उक्त मन्त्रीमण्डलमा नयाँ थपिएका मन्त्रीहरुमा विष्णु पौडेल अर्थमन्त्री, कृष्णगोपाल श्रेष्ठ शहरी विकास र पार्वत गुरुङ्लाई सञ्चार तथा सूचना प्रविधि मन्त्रालयको जिम्मेवारी दिनुभएको छ । त्यस्तै, उपप्रधानमन्त्री ईश्वर पोखरेललाई प्रधानमन्त्री तथा मन्त्रिपरिषदको कार्यालयको जिम्मेवारी हेरफेर गरिएको छ । प्रधानमन्त्री ओलीले रक्षा मन्त्रालय आफैसँग राखेको राष्ट्रपति कार्यालयबाट जारी विज्ञप्तिमा जनाइएको छ ।
महिला, बालबालिका तथा ज्येष्ठ नागरिक मन्त्रालयको जिम्मेवारी लिलानाथ श्रेष्ठले पाएका छन् । तीनवटा मन्त्रीहरु थपिएपछि अब मन्त्रालयको संख्या २५ पुगेको छ ।
राष्ट्रपति कार्यालयबाट जारी विज्ञप्तीमा भनिएको छ, “२०७४/११/३ गते गठित मौजुदा मन्त्रिपरिषदमा नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा नियुक्ती हेरफेर र कार्य विभाजन गरी मन्त्रिपरिषद गठन गर्नुभएको छ ।”
नयाँ जिम्मेवारी पाउनुभएको मन्त्रीहरुको शपथ कार्यक्रम आज विहिबार विहान ११ः३० बजे हुने जानकारी दिइएको छ ।