श्री पचली भैरवको जात्रा विधिपूर्वक सामान्य रुपले चलाइने

काठमाडौं / कोरोना महामारीका कारण यस वर्षको श्री पचली भैरव जात्रा हुने हो कि होइन भन्ने अन्योलता समाप्त भएको छ । पचली आजुको जात्रा आवश्यक विधि सामान्य रूपमा पूरा गरि यसपटकको जात्रा सम्पन्न गर्ने भएको छ । यस सम्बन्धमा आज पचली भैरव गुथियार खलः र जात्रा व्यवस्थापन समितिको संयुक्त रुपमा एक भेला आयोजना गरिएको थियो । उक्त भेलाले परापूर्वकालदेखि चलिआएको पचली भैरवको जात्रा सधैंझैं भव्य रुपमा नमनाइकन परम्परागत संस्कार र विधि व्यवहार सामान्य रूपमा गरी जात्रा मनाउने निर्णय गरेको छ ।
श्री पचली भैरवको जात्रा परापूर्वकालदेखि हरेक वर्ष कौलाथ्व पारुदेखि पञ्चमीसम्म भव्यरुपमा भक्तिभावपूर्वक धार्मिक , सांस्कृतिक गतिविधि सहित मनाउने गरिन्छ ।                     छलफल कार्यक्रममा सहभागीहरुले सुझाव राख्नेक्रममा सुरक्षित रुपमा जात्रा सम्पन्न गर्न आवश्यक सहयोग गर्ने प्रतिबद्धता व्यक्त गरेका थिए ।