काठमाडौं उपत्यकामा २५४० जना थप सक्रमण पुष्टि , देशभर कूल संक्रमित ९८,६१७ पुग्यो !

काठमाडौँ / काठमाडौं उपत्यकामा आज असोज २२ गते कोरोना भाइरसका २ हजार ५४० जनामा सङ्क्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा उपत्यकाका तीन जिल्लामध्ये काठमाडौंमा २ हजार ८५, ललितपुरमा ३२० र भक्तपुरमा १३५ मा सङ्क्रमण पुष्टि भएको जनाएको छ ।
आज नेपालमा कोरोना भाइरसका ४ हजार ३६४ जना संक्रमित थपिएका छन् । स्वास्थ्य तथा जनसंख्या मन्त्रालयले आज असोज २२ गते आफ्नो नियमित प्रेस ब्रिफिङ्गका अनुसार पछिल्लो चौबीस घण्टामा साे संख्यामा संक्रमित थपिएका हुन् ।
यसरी आजसम्म कूल संक्रमितको पुष्टि भएको संख्या ९८ हजार ६१७ पुगेको छ ।
हाल २६ हजार सात जनामा भाइरसको सङ्क्रमण सक्रिय छ ।
मन्त्रालयका अनुसार पछिल्लो चौबीस घण्टामा २ हजार ६७५ जना कोरोना संक्रमित निको भएर घर फर्केकाे बताएकाे छ । हालसम्म ७१ हजार ३४३ जना सङ्क्रमित निको भएर घर फर्केका छन् ।
यसैगरी आजको चौबीस घण्टामा १२ जनाकाे काेराेना भाइरसका कारणले मृत्यु भएकाे छ । याेसँगै नेपालमा कोरोनाका कारण मृत्यु हुनेको संख्या ५९o पुगेको छ ।