ललितपुर (यल )महानगरपालिकाका मेयर चिरीबाबु महर्जनले पनि कोरोनालाई जिते!

यल/ ललितपुर( यल) महानगर पालिकाका मेयर चिरीबाबु महर्जनले पनि कोरोनालाई पराजित गर्न सफल भएका छन् ।
मेयर महर्जनका स्वकीय सचिव इन्द्र बज्राचार्यका अनुसार हिजो बुधवार गरिएको कोरोना परीक्षणमा उनको नेगेटिभ रिपोर्ट आएको छ । वःगु खः। “मेयर साबको परिक्षणमा नेगेटिभ रिपोर्ट आएको छ अब उहाँ चाँडै नैं कार्यक्षेत्रमा फर्कनु हुनेछ ।” स्वकीय सचिव वज्राचार्यले बताए ।
गत असोज ८ गते खोकीसहितको ज्वरोको समस्या देखिएपछि पाटन अस्पतालमा गरिएको स्वाब परीक्षणमा उनको रिपोर्ट पोजिटिभ देखिएपछि उनी होम आइसोलुशनमा बसेका थिए । असोज १६ गते छातीमा समस्या देखिएपछि उनी सानेपाको स्टार अस्पतालमा भर्ना भएका थिए ।
कोरोना मुक्त भएको खबर बाहिर आउनासाथ विभिन्न माध्यमबाट नगरबासीहरुले उनलाई शुभकामना व्यक्त गरिरहेका छन । यसैबीच  मेयर महर्जनले आफ्नो स्वास्थ्य प्रति चासो      राखी शुभेेच्छा व्यक्त गर्नुहुने सबैप्रति धन्यवाद ज्ञापन गरेका छन्  ।असोज २२ गते शुक्रबारबाट कार्यभार सम्हाल्ने उनले जानकारी गराएका छ्न् । चिकित्सकको सल्लाह बमोजिम आराम गर्नुपर्ने भएको हुँदा पूर्णकालिन रुपमा कार्य गर्न र भेटघाट गर्न भने केही समय लाग्ने उनले बताएका छन् ।