प्रदेश नं ५ को नाम लुम्बिनी, स्थायी राजधानी दाङ देउखुरी उपत्यकाको घोषणा

प्रस्ताव पेश भएपछि लुम्बिनी क्षेत्रका प्रतिपक्षी सभासद विरोधमा देखिए

बुटवल / विरोध प्रदर्सन र वादविवादकाबीच प्रदेश ५ को नाम लुम्बिनी र स्थायी राजधानी दाङ जिल्लाको देउखुरी उपत्यकाको भालुवाङ घोषणा भएको छ । प्रदेश नं. ५ प्रदेश सभाको आज असोज २० मंगलबार बसेको वैठकमा भएको मत विभाजनका आधारमा सरकारको प्रस्ताव पारित भएको हो ।                     
सरकारले दाङ जिल्लाको भालुवाङ क्षेत्रमा प्रदेशका स्थायी राजधानी कायम गरियोस भनी गत शुक्रवार प्रदेश सभामा प्रस्ताव गरेको थियो ।नाम र राजधानी प्रस्ताव प्रस्तुत गर्ने क्रममा प्रदेश सभामा प्रतिपक्षी सांसदहरुले आफू बसेको मेच टेबुलमा बजार्दै विरोध जनाएका थिए ।
आज सरकारको प्रस्तावमा आज मतदान हुँदा प्रस्तावका पक्षमा ६९ मत परेको छ । दुईतिहाईका लागि ५८ मत आवश्यक पर्छ । त्यस्तै नाममा ७८ मत पक्षमा र ४ मत विपक्षमा परेकाे छ
आवश्यक बहुमत पाएपछि सभामुख पूर्णवहादुर घर्तीले दुईतिहाई बहुमतले प्रदेशको स्थायी राजधानी दाङको देउखुरी उपत्याको भालबाङ क्षेत्र घोषणा गरे ।
राजधानी देउखुरीकाे प्रस्तावको पक्षमा ६९ र विपक्षमा जम्मा १३ मत खसेको थियो भने ५ सांसद अनुपस्थित हुनुभयो ।