ललितपुर जिल्लाका तीन मेयर कोरोना संक्रमित , ललितपुर महानगरका मेयरलाई पनि कोरोना

काठमाडौँ /उपत्यकाबासीको निम्ति दु:खको खबर छ !  उपत्यकाका मेयरहरु भटाभट कोरोना संक्रमित हुन थालेका छन् । यसैबीच ललितपुर महानगरपालिकाका मेयर चिरिबाबु महर्जनलाई कोरोना पुष्टि भएको छ । स्वास्थ्यमा समस्या भएपछि पीसीआर परीक्षण गर्दा शुक्रबार कोरोना पुष्टि भएको हो ।
फ्रन्टलाईनम बसेर कार्य गर्दै आएका मेयर महर्जन कोरोना देखिएपछि होम आइसोलेसनमा बसेका छन् ।
उनले आफ्नो सम्पर्कमा रहनु भएका सबैलाई पनि सचेत रहनु हुन अनुरोध गरेका छन् ।                                               
“उनी आफ्नै बखुण्डोलस्थित घरमा आइसोलेसनमा बसिरहेका छन् ।”ललितपुर महानगर पालिकाका प्रवक्ता राजु मर्जजनले जानकारी दिएका छन् ।  उनले भने  “नगरवासीहरुको सेवामा समर्पित रही कर्तव्य र जिम्मेवारी पुरा गर्ने क्रममा २०७७-०६-०९ गते शुक्रवार Intrepid Nepal Laboratory द्वारा गरिएको परीक्षणको साँझनै आएको रिपोर्टले वहाँलाई कोरोना संक्रमण भएको पुष्टि गरेको छ । वहाँ अहिले स्वास्थ्य मापदण्डको पूर्ण पालना सहित बखुण्डोलस्थित आफ्नै घरमा होम आइसोलेसनमा बस्नु भएको छ । वहाँको शिघ्र स्वाथ्यलाभको कामना गर्दछौं!”                    यसैगरी ललितपुर जिल्लाको अर्को नगर पालिका गोदावरि नगरपालिकाका मेयर गजेन्द्र महर्जन र उनका पत्निमा आजै कोरोना पुष्टी भएको थियो भने यसभन्दा अगाडी महालक्ष्मी नगर पालिकाका मेयर रामेश्वर श्रेष्ठ संक्रमित भएका थिए । मेयर श्रेष्ठ र उनका  पत्नीमा  आज दोस्रोपटक  संक्रमण देेेेखिएको  छ ।                     यसअघि काठमाडौं महानगरपालिकाका मेयर विद्यासुन्दर शाक्यलाई पनि कोरोना संक्रमण भएको थियो । मेयर शाक्य भने कोरोनामुक्त भइसकेका छन् ।