काठमाडौं उपत्यकामा ७६७ थप संक्रमित , काठमाडौंमा जताततै भीड ,जोखिम झनै बढ्यो

काठमाडौं /काठमाडौं उपत्यकामा आइतबार ७६७ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा ६०२ , भक्तपुरमा १०१ र ललितपुरमा ६४ कोरोना संक्रमित थपिएका छन् ।
जसअनुसार काठमाडौंमा २३० महिला र ३७२ पुरुष, भक्तपुरमा ४१ महिला र ६० पुरुष, ललितपुरमा ३४ महिला र ३० पुरुषमा कोरोना संक्रमण देखिएको छ ।
एकातिर कोरोना तीव्र रुपमा बढिरहेको छ भने सरकारले सबै क्षेत्र खुल्ला गरेपछि काठमाडौंमा भीड निकै बढेको छ । लामो दुरीका यातायात्र सार्वजनिक यातयात खुल्ला गरेपछि बाटोमा जाम सुरु भएको छ । कतैपनि सामान्य स्वास्थ्य मापदण्ड र सामाजिक दुरी कायम गरिएको देखिंदैन । काठमाडौको बसन्तपुर लगायत क्षेत्रमा मानिसहरु निस्फिक्री सामान्य अवस्थामा जस्तै हिंड्न थालेका छन् ।यसले उपत्यका कोरोना जोखिम अझ बढाएको छ ।