सिन्धुपाल्चोकमा भीषण पहिरो ,एक जना महिलाको शव भेटियो, १७ अझै बेपत्ता

सिन्धुपाल्चोक/ सिन्धुपाल्चोकको बाह्रबिसे नगरपालिका ७ घुम्थाङको नाग्पुच्छे र भीरखर्क पहिरोमा भीषण पहिरो गएको छ । पहिरोमा बेपत्ता भएकामध्ये एक जना महिलाको शव फेला परेको छ । १७ जना अझै बेपत्ता छन् ।भेटिएको शवको सनाखत पनि हुन बाँकी छ ।
शनिबार राती २ बजेर ४६ मिनेटमा बस्तीमाथिबाट आएको पहिरोले घुम्थाङको १८ घर बगाएको हो । घरका सबै सदस्य बेपत्ता भएको बताइएको छ ।
भीरखर्कका १०, नागपुच्छेका ८ घर र किम्बे गाउँमा पहिरोले बगाएको बताइएको छ । इलाका प्रहरी कार्यालय बाह्रबिसेका प्रहरी निरिक्षक नवराज न्यौपानेले बेपत्ताहरुको खोजी र उद्धारको कार्य जारी रहेको बताए । स्थानीयहरु समेत खोजी कार्यमा जुटेका छन् ।
मौसम अनुकूल भए उद्धारका लागि हेलिकोप्टर पनि पठाउने तयारी भइरहेको पनि जनाइएको छ ।

(Photo:Gorakhapatraonline)