महाकविया बुदिंया लसताय् भर्च्युअल छन्द कविता वाचन

महाकविया बुदिंया लसताय् छन्द कविता वाचन भर्च्युअल ज्याझ्वः
महाकवि सिद्धिदास महाजुया १५३क्वःगु बुदिंया लसताय् जूमपाखें भर्च्युअल छन्द कविता वाचन ज्याझ्वः जूगु दु ।
पद्म रत्न तुलाधर लुमन्ति गुथिया ग्वसालय् डा. केशव मान शाक्यया नायःसुइ नारद बज्राचार्यं न्ह्याकादीगु उगु ज्याझ्वलय् नरेशवीर शाक्यं लसकुस न्वचू तयादीगु खः । ज्याझ्वलय् फणिन्द्र रत्न बज्राचार्य, भूषण प्रसाद श्रेष्ठ, लाभ रत्न तुलाधरपिसं महाजुया कविता गजल नापनापं थःथःपिनिगु चिनाखँ ब्वनाः न्यंकादीगु खः । शिकागोया केशर मान ताम्राकार व सुरेश प्रधान यल पाखें प्राविधिक ग्वाहालि यानादीगु खः ।
नेवाः सूचना केन्द्र