पोखरामा पनि कोरोना संक्रमित बढेपछि लकडाउन , निषेधाज्ञा र सिल गर्न महानगरबासीको माग

पोखरा / पोखरा महानगरमा कोरोना सङ्क्रमण बढे सँगै पोखरा महानगरलाई लडाउन गर्न र बढी जोखिम रहेका क्षेत्र सील गर्नुपर्ने आवाज उठेको छ ।
भैरव टोलका विक्रम उदासले सामाजिक संजाल मार्फत पोखरा महानगरका मेयरलाई कोरोना संक्रमण बढेको कारण चाँडो लकडाउन गर्न अनुरोध गरे । धेरै महानगरबासीको अहिलेको चाहना कोरोना संक्रमणबाट बच्न लक डाउन गर्नुपर्ने धारणा रहेको देखिन्छ ।
यसैबीच हिजो आइतबार पोखरामा एक सर्वदलीय बैठक बसेको छ । बैठकमा दलका प्रतिनिधिले कोरोना सङ्क्रमण समुदायमा जटिल रूपमा नफैलियोस् भन्नका लागि पोखरामा निषेधाज्ञा जारी गर्नुपर्ने र सङ्क्रमण फैलिएका क्षेत्र सील गर्नुपर्ने सुझाव दिएका हुन । यसबारे मिडियासँग कुरा गर्दै पोखरा महानगरपालिकाका प्रमुख मान बहादुर जिसीले सर्वदलीय बैठकमा निषेधाज्ञा र सिल गर्ने कुरा उठे पनि निर्णय भने नभइसकेको बताए ।
पोखरामा एक दुई दिन यता कोरोना सक्रमितको सङ्ख्या ह्वात्तै बढेकोले राजनीतिक दलहरूले पोखरा महानगर सील गर्न र सुरक्षाका उपाय अवलम्बन गर्न आग्रह गरेको प्रमुख जिसीले बताए । उनले भने–“केही कनट्याक्ट ट्रेसिङका आधारमा सङ्क्रमितको सङ्ख्या बढे पनि सीलनै गर्नुपर्ने बाध्यता रहेको छैन”, उनले थपे–“यस बारे सोमवार कोरोना रोकथाम मूल समितिको बैठकमा थप छलफल हुन्छ ।”
समितिको बैठकमा छलफल गरेपछि प्रस्ताव जिल्ला विपद् व्यवस्थापन समिति (सिसिएमसी)को बैठकमा लगिने मेयर जिसीले जानकारी दिए । “कति सङ्क्रमित हुँदा सील गर्ने, त्यसको पनि राज्यले तय गरेको नीति छ, हामीले त्यसको अवलम्बन गर्ने बारे पनि छलफल गरेका छौँ,” उनले भने ।
हालसम्म पोखरामा २ सय ४ जनामा कोरोना सङ्क्रमण पुष्टि भएको र आइतबार सम्म १ सय २७ जना निको भएर घर फर्किएको पोखरा महानगर स्वास्थ्य महाशाखा प्रमुख हेमन्त पौडेलले बताए । आइतबार मात्रै पोखरामा २२ जनामा कोरोना पुष्टि भएको ।
(पोखरान्युजको सहयोगमा )