काठमाडाैँ उपत्यकामा आज १७२ जना नयाँ संक्रमित

काठमाडौँ / काठमाडाैँ उपत्यकामा कोरोना संक्रमित बढ्ने क्रम जारी छ । आज आइतबारमात्र आएको रिपोर्ट अनुसार १७२ जना नयाँ संक्रमित थपिएका छन् । तीमध्ये काठमाडाैँमा १२६, ललितपुरमा ३८ र भक्तपुरमा ८ जना थपिएका छन् ।

काठमाडौं उपत्यकासमेत गरेर देशभर आज ६४१ जना सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा १२ हजार २४७ जनामा पीसीआर परीक्षण गरिएकोमा ६४१ जनामा सङ्क्रमणको पुष्टि भएको छ । सक्रिय सङ्क्रमितहरू ९ हजार २२१ रहेका छन् ।

मन्त्रालयका प्रवक्ता डा. जागेश्वर गौतमले पछिल्लो २४ घण्टामा थपिएका सङ्क्रमितसँगै नेपालमा कुल सङ्क्रमितको सङ्ख्या २६ हजार ६६० पुगेको छ । उनका अनुसार हाेम आइसोलेसनमा ४९७ रहेका छन् । क्वारेन्टिनमा १५ हजार २४३ रहेका छन् त्यसैगरी आजसम्म निको भई घर फर्कनेहारुको संख्या १७ हजार ३३५ पुगेको छ ।