लुम्बिनीमा कोरोना संक्रमण रोक्न नेपाल-भारतमा सीमा कडा पारिने

बिन्दु कुमार चौहान
लुम्बिनी २६ साउन । बुद्धजन्म स्थल लुम्बिनीमा कोरोना भाईरस ( कोभिड १९ ) रोक्न भारतीय सीमा कडा पारिने भएको छ ।
भारतमा काम गरि लुकीछिपी बन्द नाकाबाट फर्केका ६२ जना कोरोना संक्रमित लुम्बिनीबासी उपचार पछि निको भएको मध्य नजर राखी थप संक्रमित हुनबाट रोक्न बिपद ब्यवस्थापन समितीको नगर स्तरीय बैठकले सो निर्णय गरेको हो ।
लुम्बिनी साँस्कृतिक नगरपालिकाको दक्षिणी सीमा सँग छोएको कालीदह र आमा अजमा बन्द नाकाको आसपास क्षेत्रबाट पूर्ण रुपमा आवतजावतमा रोक लगाउनुका साथै नगरभित्रका साप्ताहिक हाटबजार सभा सम्मेलन र सामूहिक भोज भतेरमा रोक्न लगाउने निर्णय गरिएको समितीका संयोजक मनमोहन चौधरीले जानकारी गराए ।
लुम्बिनी नगरप्रमुख समेत रहेका चौधरीले बिहान ११ बजे देखि साँझ सात बजे सम्म पसल खुला गराउनुका साथै बिना मास्क हिडडुल गर्ने सर्बसाधारण नागरिकहरु माथि दण्ड जरिवाना समेत लगाईएको बताए ।

Mayor , Lumbini cultural municipality , Manmohan Chaudhari

बैठकको निर्णयलाई कार्यन्वयन गराउन दुई दिन प्रचारप्रसार माईकिङ्ग पश्चात अटेरी गर्ने जो सुकै माथि परिचालित प्रहरीलाई कानूनी कार्यवाहीको जिम्मा लगाईने नगर प्रमुख चौधरीको भनाई छ ।