काठमाडौं उपत्यकामा १२७ जनामा संक्रमण पुष्टि

काठमाडौं / बिहीबार काठमाडौं उपत्यकामा मात्र थप १२७ जनामा कोरोना पुष्टि भएको छ । उनीहरूमध्ये काठमाडौं जिल्लामा १११, ललितपुरमा ११ र भक्तपुरमा ५ जनामा संक्रमण देखिएको हो ।
स्वास्थ्य तथा जनसंख्या मन्त्रालयका अनुसार उपत्यकासमेत गरेर देशभर आज थप ५२५ जनामा कोरोना संक्रमण पुष्टि भएको जनाइएको छ । गत २४ घण्टाको अवधिमा ९ हजार ५ सय ५९ जनामा भएको परीक्षणमा ५२५ जनामा संक्रमण पुष्टि भएको हो ।
मन्त्रालयका अनुसार आजसम्ममा देशको कूल संक्रमितको स‌ंख्या २४ हजार ९५७ पुगेको छ ।