काठमाडौं जिल्लामा मात्र थप ९०मा कोरोना पुष्टि

काठमाडौँ / आज आइतबार मात्र काठमाडौं उपत्यकामा आइतबार ९२ जना नयाँ सङ्क्रमित थपिएका छन् । काठमाडौं जिल्लामा मात्र ९० र ललितपुरमा दुईजना थप भएका हुन् । भक्तपुर जिल्लामा भने आइतबार थप सङ्क्रण देखिएन ।
देशभर कोरोनाभाइरसका ३८० जना नयाँ सङ्क्रमित थपिएका छन् । योसँगै नेपालमा कुल सङ्क्रमितको सङ्ख्या २२ हजार ९७२ पुगेको स्वास्थ्य तथा जनसङ्ख्या मन्त्रालयले जनाएको छ ।
काठमाडौंमा दिनदिनै संक्रमित बढेर जोखिम बढ्दै गरेको अवस्थामा पनि यसलाई कसरी नियन्त्रणमा लिने भन्ने कुनै ठोस योजना बाहिर ल्याउन सकेको छैन । यता उपत्यका नगर पालिका संघले भने बाहिरबाट काठमाडौं प्रवेशमा रोक लगाउनेमा जोड दिनुपर्ने राय दिएको छ किन कि अहिले जति संक्रमित देखिएका छन् सबैजसो बाहिरबाट काठमाडौं प्रवेश गरेकामा देखिएको हो ।