प्रधानमन्त्री ओलीको कोरोना परीक्षण रिपाेर्ट नेगेटिभ

मन्त्री यादव प्रहरी समायोजन सम्बन्धी साउन १७ गते बालुवाटारमा भएको बैठकमा सहभागी थिए। उनी प्रधानमन्त्री केपी शर्मा ओली, गृहमन्त्री रामबहादुर थापा, सातैवटा प्रदेशका आन्तरिक मामिला मन्त्री, गृहसचिव लगायतसँगको बैठकमा सहभागी भएर फर्किएका थिए।

काठमाडाैँबाट फर्किएपछि गरिएको पीसीआर परीक्षणमा मन्त्री यादवलाई कोरोना संक्रमण देखिएकाे थियो।

परीक्षण रिपाेर्टमा प्रधानमन्त्री ओलीसहित प्रधानमन्त्री कार्यालयका कसैलाई पनि कोरोना नदेखिएकाे प्रधानमन्त्रीका प्रेस सल्लाहकार सूर्य थापाले जानकारी दिए। ‘प्रधानमन्त्रीलगायत प्रधानमन्त्री कार्यालयका सबैको कोरोना परीक्षण रिपोर्ट नेगेटिभ आएको छ,’ थापाले देशसञ्चारसँग भने।