आज: | Sun, 20, Sep, 2026

संक्रमितको संख्या २० हजार नाघ्यो, सचेत रहन सबैलाई आग्रह

सुभाय् संवाददाता August 1, 2020 मा प्रकाशित (६ साल अघि) अनुमानित पढ्ने समय : ९ मिनेट

काठमाडौं / आज शनिबार नेपालमा कोरोनाभाइरसका ३१५ जना नयाँ सङ्क्रमितको पुष्टि भएसंगै कोरोना संक्रमितको संख्या २० हजार पार गरेको छ । हाल ५ हजार ३३८ जनामा कोरोनाभाइरसको सङ्क्रमण सक्रिय रहेको स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना सङ्क्रमितको कुल संख्या २० हजार ८६ पुगेको छ ।

मन्त्रालयका प्रवक्ता डा. जागेश्वर गौतमले नियमित पत्रकार सम्मेलनको क्रममा पछिल्लो चौबीस घण्टामा ६ हजार ९९३ जनाको स्वाब परीक्षण गरिएको जानकारी दिनुभयो । हालसम्म तीन लाख ८२ हजार ४९० जनाको स्वाब परीक्षण गरिएको उहाँले बताए ।

पछिल्लो चौबीस घण्टामा ९३ जना कोरोना सङ्क्रमित निको भएर घर फर्केका छन् । यससँगै नेपालमा कोरोनामुक्त हुनेको संख्या १४ हजार ४९२ पुगेको छ । कोरोनामुक्त हुने दर करिब ७२ प्रतिशत पुगेको हो । हाल ११ हजार ५३३ जना क्वारेन्टिनमा छन् ।

अहिले बिरगंज , जलेश्वर बिराटनगर, राजविराज लगायत ठाँउहरुमा पुन: लक्डाउन र कर्फ्यु जारी गरिएको छ भने धरान लगायत धेरै ठाँउहरुमा पनि कडाइ गरिएको अवस्था छ । काठमाडौंमा पनि जोखिमपूर्ण अवस्था रहेको विज्ञहरुको धारणा रहेको छ । सरकारले अवस्था बिग्रेको अवस्थामा कुनै पनि बेला लक्डाउन गर्न सकिने बताइसकेको छ । सर्वसाधारण आफैं सचेत भई जोगिएर बस्ने बाहेक अरु उपाय नैं नभएको अवस्था रहेको भन्दै सबैलाई सचेत रहन विज्ञहरुले भनेका छन् ।