आज: | Mon, 09, Jun, 2025

कोरोना सङ्क्रमणकाे जोखिम बढेपछि विराटनगरमा भदौ १ गतेसम्म पुनः लकडाउन

सुभाय् संवाददाताJuly 31, 2020 मा प्रकाशित (४ साल अघि) अनुमानित पढ्ने समय : १५ मिनेट

विराटनगर /कोरोना सङ्क्रमणकाे जोखिम बढेपछि विराटनगर महानगरपालिकामा लकडाउन घोषणा गरिएको छ । महानगरपालिकामा बसेको महानगरस्तरीय कोभिड क्राइसिस म्यानेजमेन्ट समितिको बैठकले (शुक्रबार) राति १२ बजेदेखि भदौ १ गतेसम्म लकडाउन गर्ने निर्णय गरेको हो ।

विराटनगर महानगरपालिकाका मेयर भीम पराजुलीले अत्यावश्यकबाहेक सबै क्षेत्र बन्द रहने बताउनुभयो । उहाँका अनुसार खाद्यान्नसहित दूध, तरकारीजन्य वस्तुको लागिसमेत समय तालिका तोकिनेछ । विराटनगर महानगरपालिकामा ट्राभल हिस्ट्री नभएका तर लक्षणसहितका कोरोना सङ्क्रमितको सङ्ख्या वृद्धि हुँदैगएपछि महानगरले सर्वपक्षीय छलफल आयोजना गरेको थियो ।

समुदायस्तरमा सङ्क्रमण फैलन नदिनका लागि र कोभिड–१९ बाट सुरक्षाका आवश्यक सबै विधि प्रयोग गर्ने निर्णय गरेको ।

महानगरमा यसपछाडि निजी अस्पताल तथा नर्सिङ होममा सङ्क्रमितहरू फेला परे उनीहरूले त्यही अस्पतालमा उपचारका लागि व्यवस्थापन गर्नुपर्ने निर्णय गरेको छ । यसैगरी बैठकले विभिन्न समितिहरू होम क्वारेन्टाइन समिति, पीसीआर ल्याब स्थापना समिति, मनोपरामर्श समिति, कन्ट्याक्ट ट्रेसिङ समिति गठन गरिएको छ बनाउँदै सङ्क्रमितको उपचार व्यवस्थापन गर्ने भएको छ ।