सुनको मूल्य प्रति तोला १ लाखभन्दा १ हजार कम

काठमाडौ / नेपालको सुन बजारमा सुनको मूल्य प्रति तोला एक लाख पुग्न एक हजार मात्र कम रहेको अवस्थामा पुगेको छ ।

आज बिहीबारको लागि नेपाल सुन चाँदी व्यवसायी महासंघले छापावाल सुनको कारोबार मूल्य प्रति तोला ९९ हजार रुपैयाँ तोकेको छ ।
अघिल्लो दिनको तुलनामा तोलामै पाँच सय रुपैयाँले सुनको भाउ बढेको महासंघले जनाएको छ ।
यसैगरी तेजाबी सुनको भाउ तोलाको ९८ हजार पाँच सय ६० रुपैयाँ पुगेको छ ।
त्यसैगरी चाँदीको भाउ प्रतितोला १२ सय २५ रुपैयाँ तोकिएको छ ।
सुनको भाउ अप्रत्याशित रूपमा बढ्ने क्रम जारी छ ।
सुनको मूल्य प्रतितोला एक लाख चाँडै नै पार गर्ने निश्चित देखिएको छ ।