परिक्षणका क्रममा सुरुङ्गको ढोका फुट्यो , पानीको चापले चेक गर्न गएको गाडीलाई मेलम्चीमा हुट्याइदिंदा २ जना बेपत्ता !

काठमाडौं / मेलम्ची खानेपानी आयोजनाले काठमाडौंमा पानी ल्याउन बनाएको सुरङकाे ढोका एक्कासि फुट्दा बेपत्ता भएका दुई जना अझै फेला पर्न सकेका छैनन् ।

पानीले एकै पटक गेट भत्काए पछि सो गाडी अडिट टनेलबाट उच्छिटिएर मेलम्ची नदिमा पुगेको र गाडीलाई नदीबाट निकालिएको तर दुइजना बेपत्ता भएको र दुइजनको मात्र उद्दार गर्न सफल भएको बताइएको छ । हराइ रहेका दुईजनालाई अझै फेला पार्न सकिएको छैन ।
आज परीक्षणका क्रममा रेहेका सुरुङको १७ नम्बर गेटमा अडिट च्यालन मुख्य सुरुङमा जाने सहायक सुरुङ) मा पानीको प्रेसरले एकैपटक ढोका फोडे पछि सो सुरुङको जाँच गर्न गाडीमा गएका चार जान मध्ये दुई जनाको काठमाडौंको ग्रायण्डी अस्पतालमा उपचार भईरहेको र उनीहरुको अबस्था समान्य रहेको मेलम्ची खानेपानी आयोजनाका निमेश रेग्मीले बताए ।
सो घटनामा हराइरहेकामा मेलम्ची आयोजनाका चालक काठमाडौं भैंसेपाटीका साधाकृण मगर र सिनो हाइड्रोका इञ्जिनियर जनकपुरका सतिषकुमार गोइत रहेको बताइएको छ ।
त्यस्तै घाइते भएकामा सिनो हाइड्रोका साइट इञ्जिनियर शेखर खनाल र साइट इन्चार्ज पेम्बा दोर्जे लामा रहेका छन् ।