अमेरिकाय् नेपाल भाषा स्यनेज्या न्ह्यात

फ्लोरीडा, अमेरिका/ नेवाः अर्गनाइजेसन अफ अमेरिका फ्लोरिडा कचाया ग्वसालय् अनलाइन पाखें नेपाल भाषा कक्षा न्ह्या:गु दु । थनया फ्लोरिडाय् च्वनाच्वंपिं ६ दँ निसें ३२ दँ तकया २६ म्ह नेवाःतय्संं थुगु कक्षाय् ब्वति कयाच्वंगु दु ।   नेवाः अर्गनाइजेसन अफ अमेरिका फ्लोरिडा कचाया नायः डा. राजेन्द्र शाक्यं त्वा:देवाय् मत च्याकाः नेपालभाषा स्येनेगु ज्या न्ह्याकादीगु खः ।

वाः पतिकं शनिवाः खुन्हु जुइगु थुगु कक्षा वंगु शनिवाः खुन्हु निसें न्ह्याःगु खः । शिकागोय् च्वनादीम्ह हलिं नेवाः दबू, अमेरिका कचाया नेपालभाषा व साहित्यया डिभिजन डाइरेक्टर, साहित्यकार केशरमान ताम्राकारं नेपालभाषा स्येनेगु भाला कया: भाय् स्यनेज्या  न्ह्याकादीगु ख: । भाय् स्यनेज्या अनलाइन माध्यमं जुयाच्वंगु ख: ।