उपत्यकामा आज पनि थप २३ जनामा संक्रमण पुष्टि

काठमाडौं / काठमाडौं उपत्यकामा कोरोना संक्रमणको गति बढ्ने क्रममा छ । आज बुधबार पनि उपत्यकामा थप २३ जना नयाँ कोरोना संक्रमित भएको पुष्टि भएको छ ।
गएको २४ घण्टाभित्र आज देशैभरि थप २५५ जना कोरोना संक्रमण पुष्टि भएको हो ।
आज कैलालीमा ३६ रौतहटमा ३३, अछाममा २२, काठमाडौंमा १६, कास्की र सुर्खेतमा १४/१४, डोटी र कन्चनपुरमा १२/१२ जनामा संक्रमण भेटिएको छ ।
यसैगरी झापामा ८, ललितपुरमा ७ रुकुममा , चितवन, पाल्पा, दाङ र दैलेखमा ५/५ जना संक्रमित देखिएका छन् ।
मोरङ, सप्तरी, र बझाङ ४/४, सुनसरी, सर्लाही, नवलपरासी पूर्व र गुल्मीमा ३/३ जना र इलाम, सिराहा, वैतडी, गोरखा, काभ्रेपलान्चोक, मुगु, डडेलधुरा, रामेछाप र बाँकेमा २/२ जना संक्रमित थपिएका छन् ।
बारा, दार्चुला, धादिङ, दोलखा, लमजुङ, पर्सा, सिन्धुपाल्चोक, म्याग्दी, प्यूठान, कालिकोट, जाजरकोट र तेर्हथुममा १/१ जनामा संक्रमण पुष्टि भएको छ ।
पछिल्लो समय कोरोना संक्रमणका दृष्टिकोणले निकै जनघनत्व बढी भएको कारण काठमाडौं उपत्यका निकै संवेदनशील देखिएको छ ।
यतिबेला सरकारले उपत्यकामा कोरोना संक्रमण नियन्त्रणमा लिन आवश्यक पाइला चाल्नु अति आवश्यक भइसकेको छ ।
यतिबेला स्थानीय सरकार पनि मौन छ । उपत्यकामा लकडाउन खुकुलो भएसँगै बाहिरबाट आउने अवैध भीड बढ्नेक्रम जारी छ । यो उपत्यकाको निम्ति निकै खतरापूर्ण हुनसक्ने विज्ञहरुले पहिलेदेखि बताउँदै आएको थियो ।