बिना मास्क बाहिर निस्कने र सामाजिक दूरी मिच्नेलाई प्रहरीले पक्राउ गर्न सक्ने व्यवस्था

काठमाडौँ / कोरोना भाइरसको सङ्क्रमण समुदायस्तरमा फैलिदै  गएपछि स्वास्थ्य र सुरक्षाका मापदण्ड पालना नगर्नेमाथि सरकारले कडा कारबाही गर्ने नीति लिएको छ । बन्दाबन्दीको स्वरुप परिवर्तन गर्दै सरकारले स्वास्थ्य र सुरक्षाका मापदण्ड पालना गरी निश्चित व्यवसाय सञ्चालन लागि खुला गरे पनि त्यसको पालना नगरेको जनगुनासो बढेपछि गृह मन्त्रालयले कडा नीति लिन लागेको बताइएको छ ।
विशेष गरेर संक्रमण शून्य अवस्थामा रहेकोे काठमाडौंमा लकफाउनको अबधिमै लाखौं मानिस अवैध रुपले काठमाडौं छिरे ।
यसपछि काठमाडौंमा कोरोना संक्रमण देखिन थालियो ।अहिले आएर समुदायमै फैलिएको अवस्था छ । तर सरकारले लकडाउन खुकुलो गरेको नाममा खुल्ला अवस्थामा जस्तै छोडेको बेवास्ता गरेको अवस्था छ ।
गृह मन्त्रालयका प्रवक्ता केदारनाथ शर्माले मन्त्रिपरिषद्ले यसअघि गरेको स्वास्थ्य र सुरक्षा मापदण्डसहित बजार अनुगमन र कार्यान्वयनका लागि निर्देशन दिइएको जानकारी दिंदै भने “बिनामास्क बाहिर निस्कने, सामाजिक दूरी कायम नगर्नेलाई प्रहरीले पक्राउ गरी सङ्क्रमण रोग ऐन, २०२० अन्तर्गत कारबाही गरिने छ ।” सरकाले लकडाउन खुला गरेपछि कतिपयले लापरवाही गर्न थाले पछि सङ्क्रमण फैलन सक्ने जाेखिम विचार गरी सरकारले याे कदम चालेकाे भनेको छ ।ल