काठमाडौंमा खतराको घण्टी , ३२ जना थप संक्रमित , लकडाउन खुकुलो भएसँगै बाहिरबाट काठमाडौं छिर्ने बढेपछि संक्रमित बढेकोमा उपत्यकाबासी चिन्तित !

काठमाडौँ /लक डाउन खुकुलो भएसँगै अनेक बहाना बनाइ अबैध रूपमा काठमाडौं उपत्यका पस्नेको संख्या बढेसँगै उपत्यकामा दिनानुदिन कोरोना भाइरस (कोभिड–९०) सङ्क्रमितको सङ्ख्याको बढिरहेको छ । आज बिहिवार उपत्यकामा थप ३२ जन संक्रमित भएको र एकको टिचिङ अस्पतालमा उपचारका क्रममा मृत्यु भएको स्वास्थ्य तथा जनसङ्ख्या मन्त्रालयले जनाएको छ । त्यसैगरी देशभर कूल संक्रमित थप ४७३ जना संक्रमित भएको र कूल संक्रमित संख्या १४ हजार ५१९ पुगेको स्वास्थ्य तथा जनसङ्ख्या मन्त्रालयका प्रवक्ता प्रा.डा. जागेश्वर गौतमले जानकारी दिए ।
काठमाडौं कोरोना संक्रमणको दृष्टिकोणबाट अति जोखिम क्षेत्रको रुपमा रहेको भनी विश्व स्वास्थ्य संगठन (WHO) पहिले नै चेतावनी दिइसकेको अवस्थामा पनि सरकारले त्यसलाई बेवास्ता गर्दा यसरी दिनदिनै संकमण बढेको भन्दै उपत्यकाबासी क्रुद्ध बनेका छन् । काठमाडौं प्रवेशका निम्ति उपत्यकाको नगर पालिकाको अनुमति लिनुपर्ने नियम बएपनि मनपरि प्रवेश गर्न दिइरहेको उपत्यकाबासीको आरोप छ। संक्रमित क्षेत्रबाट धेरै मानिस उपत्यका पसिसकेको र पस्ने क्रम नरोकिएको भन्दै ऊनीहरुले दुख व्यक्त गरे ।

यस्ता  प्रवेशले उपत्यकामा अप्रिय अवस्था आउन सक्ने संभावनाप्रति उपत्यकाबासी चिन्ति देखिएका छन् ।

आज बिहीवार उपत्यकाका तीन जिल्लामध्ये काठमाडाैँमा ११ पुरुष र १७ महिला, ललितपुरमा २ पुरूष र भक्तपुरमा २ पुरुष गरि ३२ जनालाई कोरोना भाइरस सङ्क्रमण पुष्टि भएको हो ।

आज देशभरबाट ६६४ जना निकाे भएर घर फर्किएपछि निको हुनेको संख्या ५ हजार ३२० जना डिस्चार्ज भएका छन् ।