असार ७ गते क्वदुवातय् दिलाद्य: का:वनिगु

यल/ वइगु असार ७ गते बुंगद्य:या पानेजुत जाना: क्वदुवातय् दिलाद्य: का:वनेत्यंगु दु।
बुंगद्य:या पानेजुत लिसें द्य: कुबिया हइम्ह मलिनिं क्वदुवातय् वना: विशेष पुजा सहित दिलाद्य: का:वनीगु परम्परा दु। दिलाच:ह्रय् पुलावनेधुंका: का:वनीम्ह द्य: जूगुलिं दिलाद्य: धयात:गु खः।
क्वदुवातय् वना: कयाहइम्ह दिलाद्य:यात मेबलय् जुसाः बुंगय् बिज्याकीगु खः ।
तर थुगुसिइ बुंगद्यः यलया तःबहालय् विज्याःकातगुलिइ दिलाद्यः तःबहालय् हे विज्याकेगु धकाः बुंगद्यःया पान्जु कपिलमुनि बज्राचार्यं कनादिल ।
बुंगद्य: का:वनेगु हे प्रकृया व विधीं दिलाद्य: कयाहइगु ख:।
स्रोत :नेपालमण्डल टेलिभिजन