कुवेतमा आममाफी पाएका २ सय ९९ नेपाली काठमाडौं पुर्‍याइए

काठमाडौं /आज कुवेतबाट बिहीबार २ सय ९९ नेपाली कामदारहरु नेपाल फर्केका छन्।
आज यसरी काठमाडौं पुगेकाहरु सबै आम माफी पाएका नेपाली कामदारहरु हुन् भने कुवेत सरकार नै बिमानको व्यवस्था गरेर पठाएको हो । उनीहरू जजीरा एयरलाइन्सको दुईवटा विमानबाट काठमाडौं पुर्‍याइएका हुन् । काठमाडौं पुग्नेहरुमध्ये २९७ जना महिला र २ पुरुष रहेका छन् ।
दिउँसो २ बजे दोस्रो विमान आइपुगेको थियो भने पहिलो विमान
बिहान साढे ११ बजे आइपुगेको थियो ।
कुवेतमा अवैधरुपमा बसिरहेका र आपराधिक क्रियाकलापमा परेकालाई कुवेत सरकारले माफी दिएको थियो।
त्रिभुवन विमानस्थलबाट उनीहरुलाई प्रदेशअनुसार होल्डिङ सेन्टरमा लगिएको छ। त्यहाँबाट उनिहरुले प्रदेश वा स्थानीय निकायका क्वारेन्टाइन वा होटल क्वारेन्टाइनमा पठाइने छ।
स्मरणीय छ खाडीमा घरेलु कामदारका रुपमा महिलालाई पठाउन सरकारले प्रतिबन्ध लगाइएको छ तर फर्कनेहरु प्राय: घरेलु कामदार भएको बताइन्छ ।