कालिमाटी तरकारी बजारका व्यवसायी , मजदुर , ढुवानीकर्ताको कोरोना परिक्षण गरिने

काठमाडौं / काठमाडौंमा पनि बाहिरबाट भित्रिएकाहरुमा कोरोना संक्रमण देखिएपछि कालिमाटी तरकारी बजारमा काम गर्ने र त्यस बजारसँग आवद्ध सबैको कोरोना परिक्षण गरिने भएको छ ।
स्वास्थ्य तथा जनसंख्या मन्त्रालय तथा काठमाडौं महानगर पालिकाको आयोजनामा जेठ १ गते कालिमाटी तरकारी बजारमा कोरोना भाइरस संक्रमण आर डी टी र पिसिआर परिक्षण हुने जानकारी व्यवसायी संघले जानकारी दिएको छ ।
तरकारी व्यवसायी , भरिया , तरकारी ढुवानी गर्ने चालक सह चालक समेतको परिक्षण गरिने र त्यस परिक्षणमा सहभागी हुन सबैलाई कालिमाटी फलफूल तथा तरकारी व्यवसायी संघले आह्वान गरेको छ ।
देशमा बढ्दै गएको संक्रमितको संख्या र तरकारी बजारमा पनि यसकोसिमको केही समस्या भए नभएको पुष्टि गर्न पनि यसप्रकारको परिक्षण जरुरी रहेको भन्ने आवाज उठिरहेको बेला यो परिक्षण हुन लागेको हो ।