उपत्यकामा हिजो कोरोना संक्रमित पुष्टि भएका तीनजना कहाँबाट ,कहिले उपत्यका छिरेका थिए त ?

काठमाडौं / मंगलबार बेलुकी काठमाडौं उपत्यकामा तीनजना संक्रमित भएको स्वास्थ्य मन्त्रालयले पुष्टि गरेको थियो । तिनीहरू सबै उपत्यका बाहिरबाट काठमाडौं आएका थिए ।
ऊनीहरुमध्ये काठमाडौंको चन्द्रागिरी नगरपालिकाका मच्छेगाउँ निवासी ३३ वर्षीया संक्रमित महिला पश्चिम नेपालको कोरोना प्रभावित क्षेत्र कञ्चनपुरबाट बैशाख २९ गते काठमाडौं आइपुगेका थिए ।
तिनी सशस्त्र प्रहरी अस्पताल सतुंगलमा कार्यरत स्वास्थ्यकर्मिको परिवारका सदस्य बताइएको च्ग । काठमाडौं पुग्नासाथ उनी स्वाब परीक्षणको निम्ति जनस्वास्थ्य प्रयोगशाला टेकुमा पुगेका थिए । परीक्षणपछि उनीमा कोरोना पोजेटिभ देखिएको थियो ।
भक्तपुरका संक्रमित २७ वर्षीय पुरुष सशस्त्र प्रहरी हुन् । रामेछाप स्थायी ठेगाना भएका उनी भक्तपुरको चाँगुनारायण नगरपालिका–१ दुवाकोटबासी हुन् । निलबाराही गणका उनी नेकपा नेता एवम् पूर्वगृहमन्त्री भीम रावलको सुरक्षार्थ खटिएका थिए । तर उनी एक महिनादेखि रावलसँग थिएनन् । उनलाई मंगलबारदेखि नै टेकु अस्पतालमा राखिएको छ ।रामेछाप स्थायी ठेगाना भएका उनी सशस्त्र प्रहरी भक्तपुर , चाँगुनारायण नगरपालिका १ दुवाकोटमा बस्ने गर्छन् । उनी नेकपा नेता एवं पूर्वगृहमन्त्री भीव रावलका सुरक्षाकर्मीका रुपमा खटिएका व्यक्ति हुन्।
अर्का संक्रमित युवती सुनसरीको झुम्काबाट तीन दिन अगाडि मात्र उपत्यका आई थिमिस्थित साथीको डेरामा बस्न आएका  हुन् । पेशाले उनी नर्स हुन्  भने उनी पुल्चोकस्थित आरोग्य प्रतिष्ठानमा कार्यरत रहेकी थिइन् ।
उनमा कोरोना पोजिटिभ देखिएपछि उनी कार्यरत आरोग्य प्रतिष्ठान र त्योसँगै जोडिएको निदान अस्पताल सिल गरिएको छ ।
लक डाउनका बेला सरकारले उपत्यका छिर्ने नाकाहरु खुकुलो बनाईदिंदा दिनहुँ हजारौं मानिसहरु काठमाडौं उपत्यका छिरेको र यसकारण देखाउँदै विज्ञहरुले काठमाडौं अति जोखिम क्षेत्र रेड जोन घोषणा गरेको थियो ।
एक महिना लकडाउन पार गर्दा शून्य संक्रमण देखिएको उपत्यकामा सरकारको लापरबाहीका कारण यसरी बाहिरबाट आएका मार्फत कोरोना भित्रिएको स्पष्ट भइसकेको छ । यतिबेला सरकारले तिनीहरूको यात्रा विवरण ट्रेसिङ देखि धेरैको परिक्षण गर्नुपर्ने र नाकाहरु पूर्णत सिल गरि मानिस बाहेक अत्यावश्यक सामान मात्र ल्याउने गाडीलाई मात्र प्रवेश अनुमति दिने र पुन: लक डाउन कडा गर्नुपर्ने विज्ञहरुको ठहर छ ।