भारतबाट लुकीछिपी नेपाल आउनेक्रम अझै रोकिएन

सीमा क्षेत्रका जनतासँग सहकार्य जरुरी : पूर्वमन्त्री गुल्जारी

बिन्दु कुमार चौहान
लुम्बिनी/विश्वब्यापी महामारी कोरोना भाइरस संक्रमण रोकथाम तथा नियन्त्रण गर्न नेपाल भारत सीमा शील गरिए तापनि अझै लुकिछिपी नेपाल आउने क्रम रोकिएको छैन ।
रुपन्देही जिल्लास्थित नेपालभारतको खुला सीमानाकामा रोहिणी, डण्डा,कोठी,दानव नदी तरेर तथा गाईबाख्रा चराउने बहानामा नेपाल प्रवेश गर्न थालेका हुन ।
बुधवार मात्रै भारतबाट लुकिछिपी नेपाल प्रवेश गरेका एक युवालाई गाँउलेहरु गैडहवा क्वारेनटाईनमा पु¥याएको गैडहवा स्वास्थ्य संयोजक बिष्णु उपाध्यायले जानकारी गराए ।
त्यस्तै एक साता भित्रै लुकिछिपी ईण्डियाबाट आएका १३ जना युवाहरुलाई लुम्बिनी क्वारेनटाईनमा राखिएको लुम्बिनी साँस्कृतिक नगरपालिका स्वास्थ्य संयोजक ध्रुव घिमिरले बताए ।
तर अपवाद बाहेक सीमा नाकाबाट कुनै ब्यक्तिहरु आवतजावत नभएको २७ नं. गणका डी.एस.पी. निरंकार शुक्लाले बताए । औषधी किन्न र मलामी जान भनी आएकाहरुलाई समेत फर्काइएको उनले दावी गरे ।
सीमा अवलोकन गर्न आएका ने.क.पा.का नेता एवं पूर्बमन्त्री ओमप्रकाश यादव गुल्जारीले सुरक्षाकर्मीहरु दिनरात खटेर कर्तव्य पालन गरिरहेको बताउँदै सीमा क्षेत्रका दुबै देशका स्थानीय जनता र सुरक्षाकर्मीबीच सहकार्यको आवश्यकता रहेको बताए ।
उनले प्रहरीले भन्दा सीमा क्षेत्रका जनताले बाहिरी मान्छेलाई राम्रोसँग
पहिचान गर्नसक्ने र यसरी पहिचान गरी बाहिरी मानिसलाई सुरक्षाकर्मीको जिम्मा लगाउने मद्दत पु¥याउन सक्ने बताउदै नेपाल सरकारद्वारा नै सीमासुरक्षा नीतिमा जनपरिचालन पनि समावेश गर्नुपर्ने जिकिर गरे ।