एक गर्भवती नर्स कोरोना भाइरससँगको युद्धमा हारिन् ,तर मृत्युपूर्व एक शिशुको जन्म दिईन्

लंदन/ एक दुखदायी समाचारएक गर्भवती नर्स कोरोना भाइरससँगको युद्धमा हारिन् तर मृत्युपूर्व उनले एक शिशुको जन्म दिएकी छिन् ।
बेलायतमा स्वास्थ्यकर्मिहरुलाई प्रदान गरिने उपकरणहरुमा कमी भइरहेको भन्दै आवाज उठिरहेको बेला कोरोनाका बिरामीको उपचारमा खटिरहेकी नर्सको यसरी कोरोना संक्रमणका कारण दुखदायी निधन भएको छ ।
कोरोना भाइरस  संक्रमित हुने खतरा सबभन्दा बढी फ्रंट लाइन वारियर्स यानि डाक्‍टर, नर्स तथा हेल्‍थ केयर वर्कर्सलाई हुने गर्दछ । कति डॉक्‍टर , नर्सहरुले  यस भाइरस संक्रमणका कारण जीवन गुमाइसकेका छन् । हालै बेलायतमा कोरोना भाइरस संक्रमित भएर एक गर्भवती नर्सको मृत्यु भएको एएफपीले जनाएको छ तर मृत्यु अगाडि , उसले सफलतापूर्वक एक शिशुलाई जन्म दिइन् । बच्चाको स्वास्थ्यस्थिति ठीक रहेको बताइएको छ भने कोरोना संक्रमण भए नभएको बारे भने खुलाइएको छैन ।

लंदनको एक अस्पतालले दिएको जानकारी अनुसार ती नर्स शहरको उत्तरी भागमा रहेको ल्यूटन एंड डंस्टेबल यूनिवर्सिटी अस्पतालको एक जनरल वार्डमा  नर्सको रूपमा कार्यरत थिइन् । २८ वर्षीया नर्स मेरी अग्यीवा अग्यपोंगको आइतबार मृत्यु भएको थियो ।

एएफपी