तिमी प्रश्न गर्छौ ढुङ्गा किन पुज्छौ?

मीरा राजभण्डारी अमात्य
तिमी प्रश्न गर्छौ ढुङ्गा किन पुज्छौ ?
निरुत्तर थिएंँ म
अचानक
चरा भुर्र उडेर
भगवानको गाँस पो टपक्क टिप्दै
म निरुत्तर तिमीसँग
फेरि प्रश्न गर्छु
नाम भगवानको
गाँस त प्राणी मात्रको लागि
आमाले दलिनमाथि
एक कचौरा भात नानीको लागि लुकाएजस्तै
भोकहरु मेटाउन
भगवान कचौरा थाप्दै
मुण्ड बिचार कुन्द पानी
आफ्नो लागि होइन
प्राणी मात्रकालागि
यहाँ
भगवानहरु दोबाटोमा
पहाडहरुका कुना कन्दरामा
प्राणीहरुका
भोकहरु मेटाउन
युगौं युगदेखि  हात पसारी रहेछन्