“भोलि ” युवा हस्ताक्षर मीना श्रेष्ठको सान्दर्भिक कविता

मीना श्रेष्ठ 
सायद भोलि
अनिश्चित भए पछी
मनहरु फर्किन्छ्न होला
पुरानो दिनमा
खाली हिजै मात्र ,
सम्झना मात्र
लाग्दो हो,
जति बाचियो ,
हिजै सम्म त हो
लाग्दो हो जति हिडियो
अघि सम्मै त हो
नहेर ,भो !
पुरानो तस्वीर
पुरानो सम्झना
कति यादहरु
बिझाइरहने चोटिल होलान्
कति पलहरु
छामी नसक्नु ज्वालमुखी होलान्
केही दिन धैर्य गर न
उस्तै गरि मस्ती गर्न बाकी छ
अस्ति जान बाकी रहेको
प्रेमको डाडामा
एक अर्काको हात समाउदै
थाकेको पाइताला
तर जुर्मुरायको आलिंगन
जोड्दै ,अंगालोको माला लगाउदै
सेल्फी हान्न बाकी नै छ
आज पर बसेर के भो र
भोलि अझ सुन्दर बिहानी आउनेछ
हो , भोलि आउने छ
अझै सुन्दर आभा छरेर
त्यहीँ गुलाबी रंगले
म अनुहार पोतुला
त्यहीँ रक्तिम रातो आभाले
म मेरा सुनकेस्रे ओठमा
लाली लगाउला
अनि फ़ेरि
तिमि मेरो
ओठको लाली पुछिदिनु
म फ़ेरि लगाउने छु
यस्तै यस्तै प्रेमको
रंगीन खेल खेलौला