“कोभिड १९ पाखें , सुरक्षा हलिं नेवा:या इच्छा “

“कोभिड १९ पाखें सुरक्षा ,हलिं नेवा:या इच्छा “धैगु नारा बिसें हलिमय् च्वंपिं नेवा:तयसं थथ:गु थासय् च्वना हलिं नेवा: दिवस हनाच्वंगु दु ।
हलिं नेवा: दबू (World Newa Organization ) पाखें निदँ न्ह्यो(नौने)निसें ।मार्चयाा अन्तिम शनिबा: न्यायेका व:गु हलिं नेवा: न्हि ” World Newa Day ” थुपालय् विश्वव्यापीरुपं न्यनावंगु कोरोना भाइरस महामारीया हुनिं छुं नं औपचारिक ज्याझ्व: मयासें थथ:गु थासय् च्वना: सुरक्षित रुपं हनेगु खँ क्वछ्युगु ख: ।
थ्व हे झ्वलय् केन्द्रिय कमिटीया स्काइप कन्फेरेन्स नं जूगु दु ।
“विश्वय् कोरोनाया महामारी फैलय् जुयाच्वंगु इलय् थुकीपाखे सचेत जुसें च्वने सकसियां भिं उसाँय् या कामना याये। थौं  हलिं दिवस नं ख: । झीसं छें छें च्वना: सां छिंछिं कथं थ्व न्हि हने ” केन्द्रीय नाय: सिजन श्रेष्ठंं धयादिल । “परिस्थितिकथं थुपालय् झीसं औपचारिक ज्याझ्व: मायासां हलिमय् लुमंकेकथं थथ:गु थासय् जक मुना: सां हलिं नेवा: न्हि हनेगु ज्या जूगु दु ।” नेपाल च्याप्तर नाय: शाक्य सुरेनं धयादिल ।
केन्द्रीय नाय: सिजन श्रेष्ठया नुग: खँ-  भिडियो स्वयादिसँ