अर्को कोरोना बिरामीको पुष्टी , कोरोना संक्रमित ५ पुग््यो

काठमाडौं/बेल्जियमबाट नेपाल आएकी बागलुङकी एक युवतीमा कोरोना भाइरस (कोभिड-१९) संक्रमण पुष्टि भएको छ । चैत ४ गते फ्रान्सबाट फर्किएकी कोरोना भाइरस संक्रमित युवती चढेका विमानमा ती महिला पनि आएकी थिइन् । साे कुराकाे जानकारी स्वास्थ्य तथा जनसंख्या मन्त्रालयमा आज चैत १५ गते आयाेजित नियमित पत्रकार सम्मेलनमा गराइएकाे हाे

यसभन्दा अगाडि हिजो शुक्रबार धनगढीमा चौथो संक्रमित ३४ वर्षीय पुरुष भेटिएको थियो । यसअघि १९ वर्षीया युवतीमा कोरोना भाइरसको संक्रमण भएको १० चैतमा पुष्टि भएको थियो । नेपाल पुगेको चारदिनपछि नै बागलुङकी ती युवती विरामी परेर अस्पताल जाँदा प्राविधिक कारणले नमूना संकलन गर्न नसकिएकाले घरमै बस्दै आएकी थिइन । केही दिनअघि मात्र ती युवतीको धौलागिरी अस्पतालमा नमूना संकलन गरिएपछि पोजेटिभ आएपछि काठमाडौंमा उपचार गर्न ल्याउने तयारी भइरहेको छ ।

ती युवतीसँग बेल्जिएमबाट उनको बुबा र जिल्लाकी एक महिला पनि सँगै आएको बुझिएको छ । यससँगै नेपालमा कोभिड–१९ बाट संक्रमितको संख्या औपचारिक रुपमा पाँच पुगेको छ । उनीहरूमध्ये सबैभन्दा पहिलो संक्रमित चीनको उहानबाट फर्किनुभएका विद्यार्थी निको भएर घर फर्किसकेका छन् दुई जनाको टेकुस्थित शुक्रराज ट्रपिकल तथा सरुवा रोग अस्पताल र एकको सेती प्रादेशिक अस्पतालमा उपचार भइरहेको छ ।
यसैबीच, कोरोना भाइरस (कोभिड–१९)को आशंकामा अहिलेसम्म ८७५जनाको परीक्षण भएको र शनिबार रातिसम्म नौसयको परीक्षण हुने स्वास्थ्य तथा जनसंख्या मन्त्रालयले जानकारी दिएको छ ।