चीनको वुहानमा ‘लकडाउन’ खुल्दै

हुबेइको प्रान्तीय सरकारले यही मंगलबार लकडाउन खुलाउने घोषणा गरेको हो । आगामी अप्रिल ८ देखि सहरको दैनिकी नियमित बन्नेछ ।

पछिल्लो समय वुहानमा कोरोना भाइरसका कारण मृत्युका घटना रोकिएका थिए । तर सोमबार एकजना संक्रमित भेटिएका छन् ।

कोरोना भाइरस पहिलो पटक चीनको वुहान सहरमै भेटिएको थियो । जुन हालसम्म संसारका १ सय ८९ देशमा महामारीको रुपमा फैलिसकेको छ ।

१६ हजारको मृत्यु हुनुका साथै ३ लाख ८१ हजार संक्रमित छन् ।

एजेन्सी