लगं पार्क काठमाडौंका मेयरद्वारा शिलान्यास

काठमाडौं / काठमाडौं महानगर पालिका वडा नं २१स्थित लगनटोलमा निर्माण गरिने लगं पार्कको आज बिहीवार बिहान शिलान्यास गरियो ।
काठमाडौं महानगर पालिकाका मेयर बिद्या सुन्दर शाक्यले पार्कको  शिलान्यास गरेका थिए । उपमेयर हरिप्रभा खड्गी , संघीय सांसद कृष्ण गोपाल श्रेष्ठ , पूर्वमन्त्री भीमसेन दास प्रधान वडा अध्यक्षहरु पार्क शिलान्यास  कार्यक्रममा सरिक भएका थिए ।
कोरोना भाइरस संक्रमणप्रति सचेत हुन सरकारले गराएको सूचना अनुसार औपचारिक कार्यक्रम भने रद्द गरिएको थियो ।
आवश्यक सीमित व्यक्तिहरुमात्र बसेर शिलान्यास कार्यक्रम गरिएको थियो ।
४ करोड १३ लाख ७८ हजारको इस्टिमेट बजेट रहेको यस पार्कको आउँदो माघसम्ममा निर्माण सप्पन्न गर्ने लक्ष्य रहेको छ ।
पार्कभित्र पाटी , ढुंगेधारा, अपांग मैत्री शौचालय ,हल पनि निर्माण गरिने छ ।
“पार्क निर्माण पछि यस क्षेत्रका बासिन्दाले खुल्ला स्वच्छ क्षेत्रबाट लाभ लिन सकिनेछ । ” मेयर शाक्यले भने । उनी यस वडाका पूर्व वडा अध्यक्ष पनि हुन् ।