सत्यमोहन लोक साहित्य भवनया जग स्वन

यल/थनया बखुंबहालय् विधिपूर्वक सत्यमोहन लोक साहित्य भवनया जग स्वनेज्या (शिलान्यास) ज्याझ्व: जुल ।
यल महानगर पालिकाया मेयर चिरिबाबु महर्जनया मूपाहांसुइ थौं विहिवाः सत्यमोहन जोशीया पुलांगु छें दुथाय् हे  लोक साहित्य भवनया जग स्वनेगु ज्या जूगु ख: । थुगु ज्याझ्वलय् लोक साहित्य परिषदया नाय: प्रा. प्रेमशान्ति तुलााधरं जगय् पूजा यानादीगु खः । लिसें शताव्दी पुरुष सत्यमोहन जोशी, ई. राजदास श्रेष्ठ, मूपाहां मेयर चिरिबाजु महर्जनं लगायतपिन्सं जगय् पुज्यानादीगु खः ।
ज्याझ्वलय् डा. सत्यमोहन जोशी, ई. राजदास श्रेष्ठ, मेयर चिरिबाज् महर्जन, प्रा.प्रेमशान्ति तुलाधरपिन्सं थःथःगु नुगः खँ तयादीगु खः ।
थुगु भवन दयेकेगु इस्टिमेटेड बजेट १ करोड ५० लख  तकाया दु । नेपाःया लोक साहित्यया संरक्षण यायेया नितिं थुगु भवनया निर्माण यायेत्यंगु खः । ज्याझ्वलय् ई. राजदास श्रेष्ठं पाहांपिन्त स्वांमा क्वखायेका सफू लःल्हाना हनाबना तयादीगु खः ।  ज्याझ्वलय् नेपालभाषा ख्य:यापिंनि नं  उपस्थिति दुगु खः ।