अस्ट्रेलियाका सङ्क्रमित नेपाली भाइरसमुक्त !

अष्ट्रेलिया / अष्ट्रेलियामा कोरोना भाइरस सङ्क्रमण देखिएका एकजना नेपाली विद्यार्थी सङ्क्रमणमुक्त भएर घर फर्केको त्यहाँको नेपाली दूतावासका एक अधिकारीले बताए छन्।
नेपालबाट सिङ्गापुर हुँदै अस्ट्रेलिया पुगेका ती व्यक्तिमा दुई साताअघि सङ्क्रमण पुष्टि भएको थियो।
दूतावासकी कन्सुलर दुरपदा सापकोटाका अनुसार उनलाई तास्मानियाको होबर्टस्थित एउटा अस्पतालको आइसोलेशन वार्डमा राखिएको थियो।
अघिल्लो शुक्रवार परीक्षणबाट सङ्क्रमण पुष्टि भएपछि उनी अस्पताल भर्ना भएका थिए।
त्यसको दुई दिनपछिको परीक्षणमै उनी भाइरसमुक्त देखिएका थिए।
त्यसपछि गरिएको दोस्रो परीक्षणमा पनि उनी भाइरसमुक्त पाइएपछि गत शनिवार अस्पतालबाट घर फर्किएको बताइएको छ।

बिबिसीको सहयोगमा