अमेरिकामा मानिसमा कोरोनाको खोप परिक्षण

काठमाडौं। कोरोना भाइरसविरुद्ध बनाइएको खोपको अमेरिकामा मानिसमा परिक्षण गरिएको छ । समाचार एजेन्सी एपीका अनुसार वासिङटन डिसीको सियाटलस्थित काइन्जर परमानेन्ट रिसर्च फ्यासिलिटीमा चार जना विरामीलाई कोरोना भाइरस विरुद्धको खोप दिएर परिक्षण गरिएको बताइएको छ।

यो खोप परिक्षण भएको र यसको सफलता वा असफलताको नतिजा आउन केही महीना लाग्ने बताइएको छ । परीक्षण सफल भएमा यो खोप लगाउनेलाई कोरोना भाइरसको संक्रमण हुनेछैन।
परीक्षण सफल भएमा यो खोप अर्को १८ महिनाभित्र बजारमा उपलब्ध हुने बताइएको छ।
विश्वभरका वैज्ञानिक अहिले कोरोना भाइरसको उपचारको अनुसन्धानमा लागिपरेका छन्। नेशनल इन्स्टिच्यूट अफ हेल्थले यो खोप बनाउनमा आर्थिक सहयोग गरेको थियो।
अरु औषधिको पदार्थको प्रयोगभन्दा फरक कोरोनाविरुद्धको खोप मानिसमा परीक्षण गरिएको छ । इम्पेरियल कलेज लण्डनमा संक्रामक रोगका विशेषज्ञ डा. जोहन ट्रिगोनिगले परीक्षण पूर्णरुपमा सुरक्षित रहेको दाबी गरेका छन्।

साभार : ­एजेन्सी