सार्कमा कोरोना प्रभाव रोक्न संयुक्त कोष बनाउन भारतको प्रस्ताव ,प्रधानमन्त्री केपी ओलिद्वारा समर्थन

सार्कमा कोरोना प्रभाव रोक्न संयुक्त कोष बनाउन भारतको प्रस्ताव, एक करोड डलर राख्ने
काठमाडौँ भारतीय प्रधानमन्त्री नरेन्द्र मोदीले दक्षिण एसियाली क्षेत्रीय सहयोग संगठन सार्कमा कोरोना भाइरसको जोखिम नियन्त्रणका लागि संयुक्त कोष प्रस्ताव गरेका छन् जसमा एक करोड अमेरिकी डलर भारतले राख्ने घोषणा पनि उनले गरेका छन्।
आइतबार आयोजित सार्क भिडियो कन्फेरेन्समा मोदीले उक्त घोषणा गरेका हुन् । उनले सार्क क्षेत्रमा कोरोना भाइरसलाई रोकथान गर्न सँगै सहकार्य गर्नुपर्नेमा जोड दिए। उक्त कोषलाई आठै राष्ट्रले आवश्यकता अनुसार प्रयोग गर्नसक्ने घोषणा पनि उनले गरे।
उनले यो रोग रोकथाम र नियन्त्रणमा सार्कका सबै मुलुक सक्षम हुने बताएका छन्।
सार्क सदस्यहरु एकजुट हुनुपर्ने भारतीय प्रधानमन्त्री नरेन्द्र मोदीको प्रस्तावपछि आइतबार साँझ भिडियो कन्फरेन्समार्फत सबै सदस्यहरु साझा रणनीतिमा जुटेका छन्।
मोदीले शनिबार साँझ सार्क एकजुट हुनुपर्ने धारणा सामाजिक सन्जालमार्फत राखेलगत्तै सबै सदस्यले यसमा चासो देखाएका थिए। सार्कका सबै सदस्यका कार्यकारी प्रमुखहरु भिडियो कन्फ्रेरेन्समार्फत साझा रणनीति बनाउन तयार भएका छन् ।
नेपालका प्रधानमन्त्री केपी ओलिले पनि यो प्रस्तावलाई समर्थन गरेका छन् ।