“अम्ब: नया: ल: त्वने मज्यू “

न्ह्यस:
– “अम्ब: नया: ल: त्वने मज्यू”धाइगु  धापू दु । थुकिइ छुं खँ सुलाच्वंगु दुला थें ?
लिस:
– अम्ब: नये धुनेवं वा नापं ल: त्वने मज्यू धैगु खँ दुने  वैज्ञानिक कारण दु । अम्ब: तस्कं यक्व भिटामिन सि दुगु सि ख:। भिटामिन सि लखय् याकनं हे घुलय् जुइ, अलय् लखय घुलेजूगु भिटामिन सि अप्व:धयाथें सितिं वनी । ६० मिग्रा जक भिटामिन सि दुसां गा:सां तबि सप्लिमेन्ट भिटामिन सि बिइमाल धा:सा ५०० मि.ग्रा., १००० मि.ग्रा.या वास: नकिइ । मेगु भिटामिन जूसा थथे ओवरडोज बिइमज्यू, तर भिटामिस सि धा:सा लखय् घुलय् जुया वना म्हय् मथाइगु जूगुलिं थथे १० दुगं २० दुगं वास: नकिइगु ख:। अम्ब: नापं ल: त्वनेबलय् नं थथे हे १० ब्वय् ९ ब्व भिटामिन सि सितिं वनीगु खतरा दु । न्हापायापिन्सं शायद थ्व बैज्ञानिक कारण स्यू जुइ ।अले, इमिसं म्ब:नापं ल: त्वनेबलय् फाइदा मदु धैगु स्यू जुइ । उकिं अबलय् धयातल “अम्ब नया: ल: त्वनेगु मांंया हि त्वनेगु बराबर जुइ “धका:  अर्थात  ल:मत्वंकेत ‘मां या हि त्वनागु थें ख: धका: धैत:गु जुइ मा: धयागु झीसं थुइके मा:।
थुकथं झी हरेक खँय्  बैज्ञानिक कारण सुलाच्वनीगु खँ थुथाय् लुमंके बह:जू ।
न्यब्व:म्ह : रोशन श्रेष्ठ