झिक्वःगु अन्तरराष्ट्रिय लोक-सांस्कृतिक महोत्सव

यें/बज्र कला कुञ्चया ग्वसालय् थनया वसन्तपुरय् झिक्वःगु अन्तरराष्टिय लोक सांस्कृतिक महोत्सव फागुन १८ गते आइतवाःया न्हि तःजिक याना क्वचागु दु । थुगु महोत्सवया झ्वलय् जमलंनिसें वसन्तपुर तक नेपाल सहित झिंछगू देय्या सांस्कृतिक टोलीया कलाकारपिंन्सं सास्कृतिक ¥याली याना थःगु कलाकारिता प्रदर्शन याःगु खः । येँ महानगरपालिकाया उपमेयर हरिप्रभा खड्गी श्रेष्ठंपाखें रिवन चाना र्‍यालीया उलेज्या यानादीगु खःसा वसन्तपुरय् थ्यंका सकल कलाकारपिन्त ग्वसाः खलःपाखें सिन्हः तिका लसकुस यायुगु ज्या जूगु खः । थुगु सांस्कृतिक महोत्सवय् बंगलादेश, बुल्गेरिया, डेनमार्क, इजिप्ट, इष्टेनिया, श्रीलंका, भारत, इजरायल, मेक्सिको, मलेसियाया नापं नेपाःया सांस्कृतिक टोली दुथ्याःगु खः । थीथी व्यत्तित्वपिनिगु सहभागिताय् न्ह्याःगु थुगु वसन्तपुरया महोत्सवय् बज्र कला कुञ्चया नायो चन्द्रमान मुनिकारं सकल उपस्थितपिन्त लसकुस न्वचु तयादीगु खः ।बज्र कला कुञ्जया नायो एवं चर्या गुरु भाजु चन्द्रमान मुनिकारं थीथी १० गू देय्या प्रतिनिधिपिन्त मंचय् खादा न्ययका हनावना नं तःगु खःसा थीथी देय्या कलाकार टोलीपिन्सं भाजु मुनिकारयात थःथःगु देय्या चिं नं उपकार स्वरुप देछाय्गु ज्या जूगु खः । वसन्तपुरय् नेपाल सहित ११ गू देय्या कलाकारपिन्सं थःथःगु देय्या १७औ,१८औं निसेंया मौलिक लोक सांस्कृतिक नृत्य न्ह्योब्वय्गु याःगु खः । ज्याझ्वलय् संस्कृतिविद् यज्ञमानपति बज्राचार्य, पवित्र बजचार्य, वडा नाय:पिं शशीलाल श्रेष्ठ, नीलकाजी शाक्य, चिनिया मान बज्राचार्य, राजेन्द्र मानन्धर लगायतपिनिगु उपस्थिति दु्गु खः ।
थुकथंया ज्याझ्वलय् देय् दथुइ मित्रता क्वातुकेगुया नाप नापं सांस्कृतिक आदान प्रदान याय्गु ज्या नं जूगु खः । नाप नापं सांस्कृतिक टोलीपिन्त नेपाः चाहिलेगु अवसर नं चूलागु खः ।
सुगत रत्न सिन्दुराकार

https://m.facebook.com/story.php?story_fbid=2293979970705161&id=100002795424037