मिस नेवा: पोखरा ११४० या प्रतियोगीपिन्त चमतिइ लसकुस यात , कन्हय् यें महानगर व किपू नगर पालिकां लसकुस याइगु

यें/स्वनिग: अध्ययन भ्रमण व:गु मिस नेवा: पोखरा ११४० या प्रतियोगिपिन्त चमती नेवा: खलकं छगू ज्याझ्व: यासें लसकुस यागु दु । आइतबा: हे पोखरां यें थ्यंक:व:गु उगु पुच:यात नेवा: छें खल:या सल्लाहकार भाजु शंकर लाल मानन्धरया मू पहांसुइ त:जिगु ज्याझो याना: खें सगं बिया: लसकुस यागु ख: । ज्याझ्व: खल:या नाय: पूर्णकाजी ज्यापुया नाय:सुइ जूगु ख: धा:सा नेवा: खल: कास्कीया महासचिव सुबिन्द्र श्रेष्ठ अले मिस नेवा: पोखरा ११४० या मू कजि बिमल श्रेष्ठंं मिस नेवा: पोखरा व नेवा: खल: कास्की बारे नुग: खँ तयादीगु ख: ।
मिस नेवा: पोखरा ११४० या प्रतियोगि मयजुपिन्त सोमबा: किपुलिइ किपू नगर पालिकां व यें कुमारी छें यें महानगर पालिकां लसकुस याइगु ज्याझ्व: दु ।
थ: आजुपिनी भुमिइ वया: सम्पदा संस्कृति अध्ययन या: वगु पुच:यात स्वनिगलय् न्हापा नं थीथी संस्थांं थुकथं लसकुस यागु ख: ।