शताब्दी पुरुष सुदर्शन-कपिला सिरपाद्वारा सम्मानित !

काठमाडौं / बिराटनगरको सुदर्शन-कपिला सिरपा:द्वारा वाङ्गमय शताब्दी पुरुष सत्यमोहन जोशी सम्मानित भएका छन् ।
काठमाडौंमा आयोजित एक भव्य कार्यक्रममा शताब्दी पुरुष जोशीलाई  गणतान्त्रिक नेपालका प्रथम राष्ट्रपति डा. रामवरण यादवले नगद थैली दुई लाख रुपियाँसहित  सुदर्शन-कपिला सिरपा: प्रदान गर्नुुुभएको थियो ।
झी पुच: नेपाल भाषा तथा सांस्कृतिक संघ बिराटनगरको आयोजनामा शुक्रबार काठमाडौंको नक्सालस्थित एक मल्टी भेन्युमा आयोजना गरेको उक्त कार्यक्रममा बिराटनगरबाट आएका विभिन्न क्षेत्रका नेवा: व्यक्तित्वहरुको सहभागिता रहेको थियो ।
कार्यक्रममा नेवा: मिसा दबूको केन्द्रिय अध्यक्ष रश्मिला प्रजापतिले शुभकामना मन्तव्य राखेका थिए ।
नेपाल संवत् ११११ देखि सक्रिय, झी पुच: बिराटनगर , मोफसलमा रहेको अग्रणी संस्थामध्ये एक हो ।
झी पुच: नेपाल भाषा तथा सांस्कृतिक संघ बिराटनगर तथा सुदर्शना – कपिला ट्रष्टका  समेत अध्यक्ष रहेका जयन्त प्रधानांगले वाङ्गगमय शताब्दी पुरुषलाई सम्मान गर्न पाएकोमा खुुुशी व्यक्त गर्दै  प्रत्येक दुई वर्षमा नेपाल भाषा संस्कृतिको उत्थान , संरक्षण संवर्द्धन गर्ने कार्यमा योगदान दिने व्यक्तिलाई पुरस्कारले सम्मान गर्ने बताए । यो सिरपामा नगद राशी २ लाखको थैली सहितको रहेको उनलेे बताए । यो सिरपा नेपालभाषा क्षेत्रकै  ठूलो नगदसहितको पुरस्कारको रूपमा लिइएको छ ।
आयोजक झी पुच:ले जनाए अनुसार शताब्दी पुरुषले नेपाल भाषा संस्कृति क्षेत्रमा अनवरत रुपमा योगदान पुर्‍याउँदै आएको स्मरण गर्दै योगदानको कदर गरेर यो सिरपा प्रदान गरेको  बताएको छ।