बुद्ध शान्ति पदक शान्ति स्तूप निर्माता स्व. भिक्षु नावातामेलाई प्रदान

बिन्दु चौहान , सुभाय् पोस्ट सम्बादाता लुम्बिनी 
बुटवल / प्रदेश ५ को तेस्रो स्थापना दिवसको अवसरमा लुम्बिनीस्थित शान्ति स्तूप निर्माण गर्ने जापानी भिक्षु युताका नावातामेलाई बुद्ध शान्ति पदकबाट विभूषण गरिएको छ । उनको लुम्बिनी क्षेत्रमा गरेको योगदानलाई कदर गर्दै मरणोपरान्त उनलाई यो विभूषण प्रदान गरिएको हो ।
प्रदेश ५ को तेस्रो स्थापना दिवसको उपलक्ष्यमा प्रदेश राजधानी बुटवलमा शनिबार गरिएको विशेष कार्यक्रममा यसरी विविध क्षेत्रमा योगदान गर्ने ३१ व्यक्तिहरु सम्मानित भएका थिए ।
प्रदेश प्रमुखबाट प्रदान नावातामेको उक्त पदक उनका उत्तराधिकारीका रुपमा शान्ति स्तुपमा रहेका भिक्षु सातोले हस्तान्तरण गरि लिएका थिए ।
भिक्षु नामातामे सन् १९५२ अगष्ट ७ मा जापानको इवालागीमा जन्मेका हुन् र १९९३ मा लुम्बिनीमा शान्ति स्तुप बनाउने र लुम्बिनी बस्ने गरी आएका थिए। सन् १९९३ नोभेम्बर ३० मा तत्कालीन प्रधानमन्त्री गिरिजाप्रसाद कोइरालाले शान्ति स्तुपको शिलान्यास गरेका थिए ।
शान्तिस्तुप निर्माणक्रममा लुम्बिनीमा रहेकै बेला १९९७ जुलाई ३ को राति भिक्षु नामातामेको हत्या भएको थियो । स्व. भिक्षु नामातामेले निर्माण थालनी गरेर गएको लुम्बिनी शान्ति स्तुपको निर्माण सम्पन्न भएपछि यसको उद्घाटन पनि तत्कालीन प्रधानमन्त्री स्व. कोइरालाले गरेका नैं थिए ।
भिक्षु नावातामेको सपनाको रुपमा रहेको यो स्तुपाअहिले लुम्बिनी क्षेत्रमा निर्माण भएका विभिन्न राष्ट्रिय अन्तर्राष्ट्रिय विहार मन्दिरमाझ पनि एक आकर्षक क्षेत्रको रूपमा रहेको छ ।

जापानी भिक्षु सातोसँग बुद्ध शान्ति पदक हस्तान्तरणपछि लुम्बिनी होटेल व्यवसायी संघका महासचिव लीलामणि शर्मा